Bioanalytikari til FarGen

Ílegusavnið sóknast eftir bioanalytikara í sambandi við, at FarGen 2 fer í gongd í næstum. Farið verður undir at útvega fleiri luttakarar til føroyska ílegugransking, og dentur verður serliga lagdur á gransking í ávísum sjúkum við lutfalsliga høgum títtleika í Føroyum. Í starvinum verður tú partur av toyminum, sum skal standa fyri at taka royndir og gera kanningar av granskingarluttakarunum. Talan er um eitt hálvtíðarstarv í eitt ár frá 15. apríl 2022, men talan kann verða um at leingja setanina.

FarGen er ein føroysk verkætlan, sum mennir ein dátugrunn við upplýsingum um ílegurnar hjá føroyingum og skapar fortreytir fyri gransking í ílegum og arvaligum sjúkum í Føroyum. Málið er at gagnnýta ta vitanina, sum fæst til vega, til sjúkufyribyrging og viðgerð í heilsuverkinum.

Arbeiðsuppgávurnar eru í fyrstu atløgu at taka blóðroyndir, men sum frá líður fer starvið eisini at fevna um starvsstovuuppgávur so sum at uppreinsa DNA og gera tað klárt til heilgenomlesing. Talan er um eitt spennandi starv, har tú verður partur føroyska granskingarumhvørvinum.

Krøv til umsøkjara

• Tú ert útbúgvin bioanalytikari

• Tú ert ágrýtin og kanst arbeiða sjálvstøðugt

• Tú hevur jaligan hugburð og góð tvørfaklig samstarvsevni

• Tú ert fleksibul, tí viðhvørt verður arbeitt uttan fyri vanliga arbeiðstíð og kring landið

Vit bjóða

• Eitt avbjóðandi og fjølbroytt starv

• Møguleikar fyri fakligari menning

• Eitt sterkt fakligt toymi við arbeiðssomum starvsfeløgum

Setanarøkið og lønarviðurskifti
Starvsstaðið er Ílegusavnið við tilknýti til FarGen-verkætlanina. Starvið verður sett sambært sáttmála millum Bioanalytikarafelagið og Fíggjarmálaráðið.

Nærri upplýsingar fáast við at venda sær Noomi O. Gregersen, verkætlanarleiðara, á tel. 233050 ella noomi@fargen.fo

Vinarliga send umsókn, avrit av prógvi og CV til fargen@fargen.fo í seinasta lagi 28. mars 2022.