Heilsumálaráðharrin á vitjan

Mikudagin 23. januar vóru Kaj Leo Holm Johannesen, landsstýrismaður í Heilsumálum, og Turid Arge, aðalstjóri, á vitjan hjá Ílegusavninum.

Noomi. O. Gregersen, verkætlanarleiðari, og Katrin D. Apol, kunningarsamskipari, greiddu frá gongdini og framtíðarætlanunum við FarGen. Víst varð millum annað á, hvørja ávirkan ílegugransking longu hevur og í enn størri mun fer at fáa á framtíðar heilsuverkið.

Guðrið Andorsdóttir, stjóri á Ílegusavninum greiddi frá um skráirnar, sum stovnurin varðar av.