Kanningarúrslit frá februar

Biokemisku kanningarúrslitini av øllum blóðroyndunum, sum eru tiknar í februar 2024, eru gjøgnumgingin, og svar eru send luttakarunum. Eru frávik í tínum úrslitum, er bræv sent tær við postinum fyri uml. eini viku síðani, har boðað verður frá, hvat økið frávikini liggja innanfyri.

Eru eingi frávik, fært tú bert ein teldupost, sum boðar frá, at úrslitini eru gjøgnumgingin. Tað vil siga, at um tú einki frættir nærri, merkir tað, at kanningarúrslitini eru í lagi.

Hevur tú als einki frætt um tíni úrslit, kemst tað møguliga av, at okkum vantar kontaktupplýsingar um teg. Um so er, set teg vinaliga í samband við okkum á fargen@fargen.fo ella á tel. 233051 í vanligari arbeiðstíð.