Í dag hevur Vísindavøka 2020 verið í Kongshøll í Havn. Tiltakið varð skipað øðrvísi enn undanfarin ár, tí atlit var tikið til koronustøðuna. Korona ella COVID-19 var eisini snúningsásin á tiltakinum, og fyribrigdið varð viðgjørt úr m.a. málfrøðiligum, sosialum, heilsufrøðiligum, búskaparligum og samskiftisligum sjónarhornum.

Rúm var kortini eisini fyri fyrilestrum, sum viðgjørdu onnur øki, og sum góvu eina mynd av breiddini í føroyskari gransking í løtuni.

FarGen hevði tveir fyrilestrar á skránni:

Noomi O. Gregersen: "SPYR KORONA EFTIR, HVØR TÚ ERT? Hevur tín ílegusamanseting týdning fyri sjúkugongdina hjá COVID-19?"

Ólavur Mortensen: "ÆTTARBOND, ÆTTARBREGÐI OG ÍLEGUR - Háttaløg í sambandi við Ættarbandsskránna".

Takk til Granskingarráðið fyri enn einaferð fyrimyndarliga at hava skipað fyri Vísindavøkuni.